Plantun de Prouvènço

Pèr coumpara dos planto d'encò nostre

Roemeria hybrida & Opuntia engelmannii

Roemeria hybrida

Papaveraceae

Nom en français : Roemérie hybride.

Descripcioun :
Aquesto rousello-vióuleto es uno planto raro que trachis dins li meissoun mena en agriculturo traditiounalo o "bioulougico" (aquéu vèn d'un champ de caulet-rabo). Èi bèn poulideto e i'a pas pèr s'engana.

Usanço :
Li fueio soun manjadisso (Anatolìo, Grèço).

Port : Erbo
Taio : 15 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Roemeria
Famiho : Papaveraceae

Ordre : Ranunculales

Coulour de la flour : Vióuleto
Petalo : 4
Ø (o loungour) flour : 3 à 3,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Meissoun - Vignarés
Estànci : Termoumediterran à Subremediterran
Couroulougi : Arqueoufito
Ref. sc. : Roemeria hybrida (L.) DC., 1821

Raqueto(-d'Engelmann)

Opuntia engelmannii

Cactaceae

Autre noum : Pato-dóu-diable.

Nom en français : Oponce d'Engelmann.

Descripcioun :
Aquesto raqueto, vo pato-dóu-diable, trachis souvènt proche d'oustau o dins li vilage. Se recounèis à si raqueto verdalo proun pougnènto (aguio blanco de 1 à 3 cm) que podon faire fin qu'à 40 cm de larg e quàsi redouno. Li fru madur soun secous e de coulour pourpro. Fai pas jamai pu de 100 cm.

Usanço :
Li flour e li fru di raqueto soun manjadis. La raqueto èro deja proun utilisado pèr lis aztèque pèr sougna li plago e contro la pisso-douço. Èi peréu tounico e diuretico. Aro se retrobo dins proun de medicacioun pèr lucha contro la buerbo, lis artèri tapado e coume l'avèn di lou diabète.

Port : Aubret
Taio : 20 à 100 cm
Fueio : ges
Tipe bioulougico : Camefite
Cicle bioulougico : Planto renadivo

Gènre : Opuntia
Famiho : Cactaceae

Coulour de la flour : Jauno
Petalo : >6
Ø (o loungour) flour : 5 à 6 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Escoumbre e proche dis oustau - Camin - Pendis roucaious
Estànci : Mesoumediterran
Couroulougi : Óurigino Americo-Sud e Óurigino Meissique
Ref. sc. : Opuntia engelmannii Salm-Dyck ex Engelm., 1850

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Roemeria hybrida & Opuntia engelmannii

ges

Coumpara Rousello(-vióuleto) emé uno autro planto

Coumpara Raqueto(-d'Engelmann) emé uno autro planto